“Bayraq mənim mənliyimdir” adlı tədbir keçrilib
Azərbaycan Respublikasının Prezidenti cənab İlham Əliyevin 17 noyabr 2009-cu il tarixli sərəncamı ilə Azərbaycanda Dövlət Bayrağı Günü təsis edilmiş və artıq hər il noyabrın 9-u Azərbaycanda Dövlət Bayrağı Günü kimi qeyd olunur.Bu bayram münasibəti ilə 8 noyabırda məktəbimizdə “Bayraq mənim mənliyimdir” adlı tədbir keçirildi. Tədbirdə məktəbin direktoru, müəllimlər, şagirdlər və valideynlər iştirak etdi. Şagirdlər bayrağımızın tarixi keçmişinə nəzər salaraq onun hər bir azərbaycanlı üçün qürur mənbəyi olduğunu şeirlərlə, ifa etdikləri mahnılarla, rəqslərlə nümayiş etdirdilər. Əsgər geyimli qızlar və oğlanlar bayrağımızı başları üzərinə qaldıraraq onun tezliklə Qarabağ torpaqlarında da dalğalanacağını ifadə etdilər. Tədbir məktəbin direktoru V. Babayevin çıxışı ilə başa çatdı.
