“Vətən məndən başlayır” adlı rəsm sərgisi
Üçrəngli bayrağın kölgəsində mən,
Qaraca torpağı vətən görmüşəm.
Zəfər güllərini dövri-qədimdən,
Bayraq işığında bitən görmüşəm.
Bayraq mənliyimdir, bayraq kimliyim,
Bayraq öz yurduma, öz hakimliyim.
Bayraq sevgisi, vətən sevgisi deməkdir. Məhz bu sevginin təcəssümü olaraq “Vətən məndən başlayır” fikri ilə məktəbimiz ARTN eTwining layihəsi çərçivəsində “Mənim şanlı Bayrağım” layihəsinə qatıldı. İlk dəfə iştirak etməyimizə baxmayaraq məktəblilərimiz böyük sevgi və coşqu ilə hazırladıqları bayraqları sərgiləməklə vətənə, torpağa, bayrağa bağlılıqlarını nümayiş etdirdilər. Qürur mənbəyimiz olan bayrağımızın dəyərini , müqəddəsliyini qoruyub – saxlamaq, milli kimliyimizi, varlığımızı uca tutmaq, yalnız zəfər günlərində dalğalandırmaq məqsədilə şanlı bayrağımızın işığına toplaşan məktəblilərimiz bir oldular, birlik oldular. Bayrağa olan rəğbətlərini əl işlərində ifadə etdilər.
