Tarixə dönənlər, tarixdə qalanlar!
6 aprel 2022-ci il tarixində məktəbdə Aprel döyüşlərinin ildönümünə həsr edilmiş "Tarixə dönənlər, tarixdə qalanlar!" adlı tədbir keçirilmişdir.
Tədbir dövlət himninin səslənməsi ilə başlayıb. Daha sonra Böyük Zəfərimizin ilk qığılcımı olan 4 günlük şərəfli Aprel müharibəsi şəhidləri 1 dəqiqəlik sükutla yad edilib. Məktəbin Gənclərin çağırışaqədərki hazırlığı fənn müəllimi İlham Babayev Aprel döyüşlərinin tarixi və hərbi əhəmiyyəti haqqında iştirakçılara məlumat verib. Müxtəlif məzmunlu şagird təqdimatları, mahnı ifaları dinlənilib. Daha sonra söz məktəbin direktoru Həcər Mahmudovaya verilib. Həcər Mahmudova tədbirdə iştirak edən qonaqları salamlayıb, şagirdlərə gözəl çıxışları üçün təşəkkür edib. Sözü sağlamlığını Vətən torpaqlarının azadlığı uğrunda fəda edən Vətən qazilərinə verib. Tədbir qələbə abu havasında, zəfər ruhunda başa çatıb.
