20 Yanvar - tariximizin qəhramanlıq səhifəsi
19 yanvar 2022-ci il tarixində məktəbin akt zalında kitabxana müdiri Ülviyyə Fərəcova və kitabxanaçı Rayihə Yusubova təşkilatçılığı ilə 5C sinfi "20 Yanvar" faciəsinin otuz ikinci ildönümünə həsr olunmuş ədəbi-bədii kompozisiya keçirildi. Dövlət Himni ilə başlanan tədbirdə şəhidlərimizin ruhu 1 dəqiqəlik sükutla yad edildi. Daha sonra şagirdlərin təqdimatları, müxtəlif şeirlər, səhnəciklər və videoçarxlar nümayiş etdirildi.
Tədbirdə məktəbin direktoru Həcər Mahmudova, tərbiyə işləri üzrə direktor müavini Turanə İbrahimova, məktəbin psixoloqu Nuriyyə Məmmədova və 5c sinif rəhbəri Yeganə Sarıxanlı iştirak etdilər.
20 Yanvar faciəsi xalqımızın şərəf və ləyaqətini sonsuz vətən sevgisinin, vətənin azadlığı və müstəqilliyi naminə mübarizəsini özündə yaşatdı.
Allah bütün şəhidlərimizə rəhmət eləsin!
