Şəhidlər ölməz, Vətən bölünməz!
Bu gün məktəbimizin adını qürurla daşıdığı şəhid Akif Abdullayevin doğum günüdür.
Akif İsgəndəroğlu Abdullayev 1962-ci il 28 dekabrda Bakıda anadan olmuşdur. 1969-1979-cu illərdə 211 nömrəli məktəbdə təhsil almışdır.
1990-cı illərdə I Qarabağ müharibəsində qəhrəmanacasına döyüşmüşdür. 1991-ci ilin 18 avqust tarixində Goranboy cəbhəsində gedən döyüşlərdə şəhid olmuşdur. Ölümündən sonra “Hərbi xidmətlərinə görə” medalı və “Qırmızı ulduz” ordeni ilə təltif olunmuşdur. Azərbaycan Respublikası Nazirlər Kabinetinin 17 sentyabr 1996-cı il 124 nömrəli qərarına əsasən vaxtı ilə təhsil aldığı 211 nömrəli məktəbə Akif Abdullayevin adı verilmişdir.
28 dekabr 2021-ci il tarixində məktəbin tarix müəllimi Faidə Qəhramanova, 7C sinif şagirdləri ilə birlikdə şəhidimizin doğum günü münasibətilə tədbir təşkil etdilər. Öncə şəhidin büstü önünə şagirdlər tərəfindən qərənfillər qoyularaq 1 dəqiqəlik sükutla xatirəsi yad edildi. Daha sonra şagirdlər məktəbin foyesində şəhidin xatirəsinə həsr edilmiş fotostendin qarşısında şeir kompozisiyaları və təqdimatları ilə çıxış etdilər.
Daha sonra məktəb heyyəti ll Fəxri xiyabanda Akif Abdullayevin məzarını ziyarət etdilər.
