Heydər Əliyev irsinin öyrənilməsi
12.11.2021-ci il tarixdə Bakı şəhəri Akif Abdullayev adına 211 nömrəli tam orta məktəbdə XI sinif şagirdlərinin iştirakı ilə “Heydər Əliyev irsinin öyrənilməsi” mövzusunda tədbir keçirildi.
Tədbirdə eyni zamanda Nəsimi rayonu üzrə məktəb direktorları, müəllimlər də iştirak etdilər.
Dövlət Himninin səsləndirilməsi ilə başlayan tədbirdə məktəbin direktoru Həcər xanım Mahmudova giriş sözü ilə çıxış edərək ulu öndər Heydər Əliyevin zəngin siyasi irsinin, şərəfli həyat və fəaliyyətinin gənc nəsil tərəfindən öyrənilməsinin əhəmiyyətindən bəhs etdi.
Daha sonra Mənsur Vəliyev çıxış edərək müstəqil Azərbaycanın dövlət quruculuğu sahəsində ulu öndər Heydər Əliyevin genişmiqyaslı fəaliyyəti, bu yolda qarşıya çıxan maneə və çətinliklərin dəf olunması, ölkədə siyasi sabitliyin və iqtisadi dirçəlişin yaranması, Azərbaycanın beynəlxalq aləmdə nüfuzunun artması, həyata keçirilən sosial-iqtisadi layihələr, qazanılan uğurlar barədə şagirdlərə ətraflı məlumatlar verdi.
