“Zəfərimiz əbədidir” adlı tədbir
04.11.2021-ci il tarixdə “8 Noyabr -Zəfər Günü” ilə əlaqədar “Zəfərimiz əbədidir” adlı tədbir həyata keçirildi. Tədbirdə Qarabağ müharibəsində şəhidlik zirvəsinə ucalmış həmvətənlərimizin əziz xatirəsi bir dəqiqəlik sükutla yad edildi. Pedaqoji heyətin və şagird kollektivinin iştirakı ilə keçirilən tədbir Azərbaycan Respublikasının Dövlət Himninin səsləndirilməsi ilə başladı. Məktəbin direktoru Həcər xanım Mahmudova bütün tədbir iştirakçılarını və gələn qonaqları salamladı. Sonra ölkəmizin ərazi bütövlüyü və suverenliyi uğrunda canlarını qurban vermiş şəhidlərimizin əziz xatirəsi 1 dəqiqəlik sükutla yad edildi.
Tədbir zamanı 44 günlük Vətən müharibəsində dövlət - xalq- ordu birliyindən danışıldı. Şagirdlərin təqdimatında qələbəyə aparan yolu özündə əks etdirən videoçarxlar , şeirlər, rəsmlər, ədəbi - bədii kompazisiyalar təqdim edildi.
Tədbirdə qonaq qismində məktəbin şəhid oğlu Elçin Həsənlinin anası, müharibə iştirakçıları və qazi məzunlarımız iştirak edirdi.
Sonda Elçin Həsənlinin anası Xuraman xanım öz çıxışında məktəb rəhbərliyinə göstərilən bu diqqətə görə təşəkkürünü bildirərək oğlunun əziz xatirələrini bölüşdü və şagirdləri Elçin kimi vətənə ,torpağa , bayrağımıza bağlı böyüməyi arzuladı.
Müharibə iştirakçıları və qazilərimiz də öz çıxışlarında keçdikləri döyüş yolundan danışdılar və sonda tədbir iştirakçılarına öz təşəkkürlərini bildirdilər.
