Şəhid Məzun Elçin Həsənli Yad Edildi
08.11.2020-ci il məktəbin şəhid məzunu Elçin Vaqif oğlu Həsənli Şuşa uğrunda gedən ağır döyüşlərdə qəhrəmancasına düşməni məhv edərək şəhid olmuş və o gündən Şuşanın fatehi kimi yaddaşlarda qalmışdır.
Vətən uğrunda canından keçən igid oğulların xatirəsini əziz tutmaq hər birimizin müqəddəs borcu hesab olunur. Məktəbin şəhid məzunu Elçinin şəhadətini anmaq məqsədilə 7a sinif şagirdləri Gülnar Cəfərzadə rəhbərliyi altında şəhidin məzarını ziyarət etdilər. Daha sonra Elçinin böyüyüb başa çatdığı evində şəhidin anası Xatirə xanımla görüşdülər. Görüş zamanı şagirdlər Elçinin bağlı maraqlı məlumatlar əldə etdilər. Görüşdə eyni zamanda vaxtilə Elçinin sinif rəhbəri olmuş məktəbin rus dili müəllimi Arzu Quliyeva da Elçinlə bağlı olan xarirələrini şagirdlərlə bölüşdü. Ürəyinin başında üçrəngli bayrağı daşıyan Elçin hər zaman ürəklərdə yaşayacaqdır. Allah bütün şəhidlərimizə rəhmət eləsin.
