Xocalı Soyqırımını Unutmayacağıq!
Məktəbin 2020/2021-ci tədris ili üzrə Fəaliyyət Planına və Bakı Şəhəri Üzrə Təhsil İdarəsinin "Xocalı Soyqırımının iyirmi doqquzuncu ildönümünün" keçirilməsi ilə əlaqədar 12.02.2021-ci il tarixli F-38 nömrəli əmrinə müvafiq olaraq məktəbdə ilk dərslər Xocalı faciəsi qurbanlarının xatirəsinə həsr edilmiş, eyni zamanda Xocalı Soyqırımının iyirmi doqquzuncu ildönümünə həsr edilmiş açıq dərslər, onlayn rəsm sərgisi və tədbirlər təşkil edilir. Bu gün "Xocalı Soyqırımını Unutmayacağıq!" adlı tədbir onlayn olaraq keçirildi. Tədbirdə məktəb pedaqoji heyəti və şagirdlər iştirak edirdi. Dövlət himni ilə başlanan tədbirdə əvvəlcə Xocalı Soyqırımı qurbanlarının əziz xatirəsi bir dəqiqəlik sükutla yad edildi. Məktəbin direktoru Həcər Mahmudova, fənn müəllimi Şəlalə İsmayılova Xocalı Soyqırımının tarixi barədə şagirdlərə məlumat verdi. Sonra şagirdlər tərəfindən Xocalı Soyqırımına həsr edilmiş videoçarxlar təqdim edilidi, eləcə də şeirlər səsləndirildi. Xocalı hadisəsi əsl soyqırımdır. Azərbaycan xalqı Xocalı faciəsini heç vaxt unutmamış, unutmayır və unutmayacaqdır!
