2 fevral Gənclər günüdür
2 fevral Gənclər günüdür
Bu münasibətlə Bakı Şəhəri üzrə Təhsil İdarəsinin (BŞTİ) 2 Fevral – Gənclər Günü münasibətilə ümumi təhsil müəssisələrinin gənc müəllimləri ilə onlayn görüşü keçirilib.
Görüşdə BŞTİ-nin müdiri Mehriban Vəliyeva, İdarənin müvafiq struktur bölmə rəhbərləri və gənc müəllimlər, məktəbimizin gənc ingilis dili müəllimi Zeynab Xəlilova iştirak edib.
BŞTİ-nin müdiri Mehriban Vəliyeva gənc müəllimləri təbrik edərək, 2 Fevral - Gənclər Gününün tarixindən bəhs edib. Bildirib ki, 2 feval gününün Gənclər Günü kimi elan olunması ulu öndər Heydər Əliyevin adı ilə bağlıdır. Məhz ulu öndərin hakimiyyətə ikinci dəfə qayıdışından sonra Azərbaycanda dövlət gənclər siyasətinin əsas qoyulub, ölkə gəncləri onun diqqət və qayğısını daim öz üzərlərində hiss ediblər.
Daha sonra görüşdə iştirak edən gənc müəllimlər, eləcə də məktəbimizin gənc ingilis dili müəllimi Zeynab Xəlilova göstərilən diqqətə görə BŞTİ rəhbərliyinə öz təşəkkürlərini bildirib və bundan sonrakı fəaliyyətlərində də təhsilin inkişafı üçün əllərindən gələni əsirgəməyəcəklərini söyləyiblər.
Görüşdə Gənclər Gününə həsr olunmuş videoçarx nümayiş olunub.
