Zəfərimiz şagirdlərin gözü ilə
Zəfərimiz şagirdlərin gözü ilə
Şuşa şəhərinin və ölkənin işğal altında olan digər ərazilərinin azad edilməsində ordumuzun və dövlətimizin əldə etdiyi nailiyyətlərinin təşviqinin aparılması, Azərbaycan Ordusunun şanlı qələbəsi barədə maarifləndirici tədbirlərin görülməsi barədə Azərbaycan Respublikası Təhsil Nazirinin F-512 nömrəli, 16.11.2020-ci il tarixli əmri ilə təsdiq edilmiş Fəaliyyət Planın 7-ci bəndinə müvafiq olaraq 11.01.2021-ci il tarixdə əsgər və zabitlərlə şagirdlərin onlayn platforma üzərindən görüşü təşkil edildi. Görüşdə Vətən müharibəsinin qəhrəman qaziləri: mayor Kərimov Anar, Gizir Tanrıverdiyev Azər, polkovnik- leytenant Rasim İbrahimov, hərbiçi həkim Məftun Sadıqlı , məktəb rəhbərliyi, şagird-müəllim-valideyn heyəti iştirak etdi. İlk öncə şəhidlərimizin xatirəsi 1 dəqiqəlik sükutla yad edildi. Məktəbin direktoru Həcər Mahmudova görüşü giriş sözü ilə açaraq qəhrəman qazilərimizə görüşdə iştiraklarına və şagirdlərin mənəvi-psixoloji cəhətdən hazırlanmasında göstərdikləri dəstəyə görə təşəkkür etdi. Sonra qazilərimiz gənc nəslin vətənpərlik ruhunda tərbiyə edilməsinə görə müəllimlərə təşəkkür etdilər, döyüş xatirələrini danışaraq şagirdlərə Vətəni hər zaman uca tutmağı tövsiyə etdilər. Şagirdlərin ifasında Vətən müharibəsi səlnaməsinə həsr edilmiş videotəqdimatları, şeirlər təqdim edildi.
