Kəşfiyyatçı xanım qazimizlə görüş
Məktəbin Azərbaycan dili müəllimi Gülnarə Məmmədovanın təşkilatçılığı ilə 11d sinif şagirdlərinin I Qarabağ müharibəsinin iştirakçısı olmuş kəşfiyyatçı xanım qazimiz Baş leytenant Həsənova Xanimzər Ismayil qızı ilə görüşü təşkil edildi. Xanımzər Həsənova I Qarabağ müharibəsində könüllü olaraq ağır döyüşlərdə yüksək vətənpərvərlik nümayiş etdirmiş, dəfələrlə yaralanmağına baxmayaraq öz fədakarlığından geri qalmamışdır və hal-hazırda Şanlı Ordumuzun zəfərinin gənc nəslə aşılanmasında əməyini əsirgəmir. Onlayn formada təşkil edilmiş görüş zamanı qəhrəman kəşfiyyatçının döyüş fəaliyyətini əks etdirən film nümayiş etdirilmiş, eyni zamanda qazimiz özü də şagirdlərə keçdiyi şərəfli hərbiçi həyatı barədə ətraflı məlumat vermişdir. Sonra şagirdlər kəşfiyyat, döyüş anları barədə xanım qazimizin xatirələrini dinlədilər və sonda qəhrəman qazimizə təşəkkürlərini bildirdilər.
