Salam, ƏSGƏR! Sənin ürəyindən başlayır VƏTƏN!
28.12.2020 tarixində ürəyi şanlı Zəfər Bayramının sevinci və Dünya Azərbaycanlılarının Həmrəylik Gününün birliyi üçün döyünən inanlar Microsoft Teams platformasında virtual şəkildə bir aradya toplaşaraq hər iki əlamətdar günü qeyd etdilər. Təsadüfi deyil ki, 28 dekabr eyni zamanda məktəbimizin şərəflə adını daşıdığı I Qarabağ müharibəsində şəhid olan Akif Abdullayevin doğum günüdür. Onunla yanaşı həmçinin məktəbin şəhid məzunu Elçin Həsənlinin də əziz xatirəsi yad edildi. Məktəbin 6a sinif rəhbəri və ingilis dili metodbirləşmə sədri Gülnar Cəfərzadə öz fidanları ilə birlikdə ərsəyə gətirdikləri tədbirdə iştirak edən məktəb rəhbərliyi, müəllim heyəti və fəxri qonaqlar öz çıxışlarını etdi və şagirdlər də hazılamış olduqları şer və rəqslərlə tədbiri işıqlandırdılar. Həmin fəxri qonaqlardan biri 44 günlük vətən müharibəsəndə qəhrəmanlıq və şücayət göstərərək yaralanan qazimiz Kənan Kərimli idi. Füzuli istiqamətində gedən ağır döyüşlərdə qəhrəmancasına yaralanan qazi tədbirdə mühabribə boyunca yaşadıqlarını tədbir iştirakçılarıyla paylaşdı. Sonda isə xaricdə yaşayan həmyerlilərimiz və məktəbin məzunları həm Qələbə Günü həm də Dünya Azərbaycanlılarının Həmrəylik Günü ilə bağlı təbrik mesajlarını video çarx şəklində təqdim etdilər.
