Xocalı soyqırımı qurbanlarının xatirəsinə həsr olunmuş idman yarışı
Məktəbin idman zalında Taekvondo dərnəyinin üzvləri arasında Xocalı soyqırımı qurbanlarının xatirəsinə həsr olunmuş idman yarışı keçirildi. Tədbirdə məktəb rəhbərliyi, Qarabağ qaziləri, valideynlər və şagirdlər iştirak edirdi. Yarış başlamazdan öncə Xocalı faciəsi qurbanlarının xatirəsi 1 dəqiqəlik sükutla yad edildi. Sonra məktəbin direktoru Həcər Mahmudova və qonaqlar Xocalı soyqırımının xalqımızın qan yaddaşından silinməyəcəyini və tezliklə işğal altında olan torpaqların güclü ordumuz tərəfindən alınacağı barədə çıxış edərək şagirdlərə Vətənin adını qazanacaqları uğurlarla hər zaman uca tutmağı tövsiyyə etdilər. yarışda müxtəlif yaş kateqoriyasından olan şagirdlər iştirak etdilər. Gərgin rəqabətlə keçən yarışın sonunda fəallığı ilə fərqlənən idmançılar diplom və medallarla təltif edildilər.
