Vətən igid oğulları ilə qürur duyur
Bu gün məktəbin şərəf hissi ilə adını daşıdığı şəhid Akif Abdullayevin doğum günüdür. Bu münasibətlə şagirdlərin təqdimatında tədbir təşkil olundu. Tədbirdə şəhidin həyat yoldaşı Gülnarə xanım, valideynlər, müəllimlər və şagirdlər iştirak edirdi. Öncə şəhidin büstü önünə qonaqlar və şagirdlər tərəfindən qərənfillər qoyularaq 1 dəqiqəlik sükutla xatirəsi yad edilmişdir. Sonra məktəbin akt zalında tədbir zamanı Şəhidin xatirəsinə həsr edilmiş slayd-təqdimat və fotostend, şeir kompozisiyaları, səhnəcik və musiqi ifaları təqdim edildi. Şəhidin həyat yoldaşı Gülnarə xanım çıxışında tədbirin təşkilatçılarına minnətdarlığını bildirdi. Sonda qonaqlar və şagirdlərlə birlikdə xatirə şəkli çəkdirildi.
