Teymur Sadıxovla görüş
Bu günlərdə müəllim və şagird kollektivinin məktəbin məzunu olmuş, bu gün Azərbaycanın NASA-dakı yeganə mütəxəssisi, gənc alim Teymur Sadıxovla görüşü təşkil edildi. Görüşə sinif yoldaşları ilə birgə qatılan Teymur Sadıxov məktəb rəhbərliyinə, müəllim kollektivinə onun üçün çox dəyərli olan bu görüşə görə təşəkkürünü bildirdi. Doğma məktəbin onun həyatında xüsusi rolundan, heç bir ölçüyə sığmayan müəllim zəhmətindən söz açan qonaq məktəb illəri ilə bağlı xatirələrini şagirdlərlə bölüşdü. Bugünkü məktəblilərə “Uğura aparan yol”un məhz məktəbdən başladığını, elmə, biliyə verilən dəyərdən asılı olduğunu bildirdi. Şagirdlərin suallarını cavablandıran Teymur Sadıxov sonda tədbirdə iştirak edən, vaxtilə ona dərs demiş müəllimlərə sonsuz minnətdar olduğunu qeyd edərək onları “Uğurunun səbəbkarları adlandırdı.
