BAYRAĞIMIZ BİRİNCİLƏRİN GÖZÜ İLƏ
Azərbaycan Respublikasının Dövlət bayrağı Azərbaycan dövlətinin suverenliyinin rəmzidir. 2009-cu il noyabrın 17-də Azərbaycan Prezidenti İlham Əliyev “Azərbaycan Respublikasının Dövlət Bayrağı Gününün təsis edilməsi haqqında” sərəncamı ilə " 9 Noyabr Dövlət Bayrağı Günü " kimi rəsmiləşdirilib. Bu münasibətlə məktəbimizin ayrı-ayrı siniflərdə ilk dərslər bayraq gününə həsr olundu. Dərslərdə bayrağımızın yaranma tarixi, ulu öndər Heydər Əliyevin Dövlət bayrağı haqqındakı fikirləri, Azərbaycan bayrağının şanlı tarixi haqqında geniş məlumat verildi, Dövlət Bayrağı Gününün tarixi əhəmiyyəti vurğulandı.Hər bir Azərbaycan vətəndaşı milli bayrağımıza, gerbimizə və himnimizə ehtiram göstərməli və bunu özünün müqəddəs borcu bilməlidir.
İbtidai sinif müəllimi Əliyeva Nailə və rəhbərlik etdiyi 1-ç sinif şagirdləri ədəbi-bədii kompozisiyalar nümayiş etdirdilər. Vətənə, bayrağımıza aid şeirlər səsləndiriblər, rəsmlər çəkib nümayiş etdiriblər.
