205 №-li tam orta məktəb

    24 yanvar 2020- ci il tarixdə məktəbimizdə Təhsil Nazirliyinin və Bakı Şəhəri üzrə Təhsil İdarəsinin təşkil etdiyi lX siniflərdə azərbaycan dili, riyaziyyat və ingilis dili fənlərindən monitorinq keçirildi. Monitorinqin keçirilməsində məqsəd şagirdlərin təlim nəticələrini yoxlamaq, təhsilin keyfiyyətinin müəyyənləşdirməkdən ibarətdir.
    Şagirdlər verilmiş vaxt ərzində qapalı test tapşırıqlarını cavablandıraraq bilik və bacarıqlarını nümayiş etdirdilər.

    Nəticələr yoxlanaraq müəyyən olunmuş zamana kimi BŞTİ – yə təqdim olunacaq.

    Şagird nailiyyətinin qiymətləndirilməsi məqsədilə məktəbdə BSQ – lərə start verildi.

    21 yanvar  tarixində məktəbin IV-IX-XI  siniflərində bütün fənlərdən, V-VIII; X  siniflərində isə tədris dili, riyaziyyat və ingilis dili fənlərindən BSQ – lər keçirildi. Bütün şagirdlərin qiymətləndirmədə iştirakı təmin olundu.

    18 yanvar 2020-ci il tarixdə məktəbimizdə Kiçik akademiyanın humnanitar kafederası üzvlərinin iştirakı ilə 20 Yanvar faciəsinin 30-cu ildönümü münasibəti ilə "20 Yanvar Qan Yaddaşımızdır" adlı inşa yazı müsabiqəsi keçirildi.

    Azərbaycan dili müəllimlərinin nəzarəti  ilə keçirilən inşa müsabiqəsində şagirdlər Vətənimizin müstəqilliyi uğrunda aparılan mübarizədən bəhs etmişlər.

    Yanvarın 17-də  məktəbimizdə 20 Yanvar-Ümumxalq Hüzn Gününə həsr olunmuş sinif təşkilat saatları keçirilib.

    Dərslərdə ilk olaraq xalqımızın azadlığı uğrunda canlarını qurban vermiş qəhrəman Vətən övladlarının xatirəsi bir dəqiqəlik sükutla yad edilib.

    Dərsləri tədris edən müəllimlər Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi daxil olmuş 1990-cı ilin 20 Yanvar hadisələri barədə söhbət açıblar. Eləcə də 20 Yanvar hadisələrinin nəticələrindən, şəhid kimi əbədiyyətə qovuşan Vətən övladlarının şücaətindən bəhs olunub. Balaca fidanlar şəhidlərimizin ruhuna şeirlər səsləndirib, divar qəzetləri nümayiş etdiriblər.

    Həmçinin Tədbirlər Planına əsasən məktəbimizdə  20 Yanvar faciəsinin otuzuncu ildönümünə həsr olunmuş ədəbi-bədii kompozisiyalar “Dəyirmi masa”lar keçirilib.

    Eyni zamanda şagidlərimiz və pedaqoji kollektivin Şəhidlər xiyabanına ziyarəti davam edir.

    15 yanvar 2020-ci il tarixində FHN-nin nümayəndələri Elvin İbrahimli və Elxan Əmirxanovun iştirakı ilə yanğından mühafizə tədbirlərinə dair maarifləndirmə-təbliğat xarakterli yığıncaq keçirilmişdir. Yığıncaqda məktəbin təlim-tərbiyə işləri üzrə direktor müavini, müəllimlər və 30 nəfər şagird iştirak etmişdir.

    Şagirdlərə yanğının qarşısının alınması qaydalarını və işlədilən alətlərdən necə istifadə etmək qaydalarını təbliğ etdilər.