205 №-Lİ TAM ORTA MƏKTƏB

    Cop29- "Yaşıl Dünya naminə həmrəylik ili" ilə əlaqədar "Məktəblərdə Ekologiya aylığı" nın keçirilməsi çərçivəsində məktəbdə bir sıra tədbirlər, "dəyirmi masa" lar, sinif təşkilat saatları, nümunəvi dərslər nəzərdə tutulub.

     Bu gün məktəbin biologiya müəllimi Sədaqət Nuriyevanın təşkilatçılığı ilə "Ekoloji problemlərin həlli yolları" mövzusunda xüsüsi dərs keçib.

     Dərs zamanı şagirdlərin hazırladıqları təqdimatlar nümayiş olunub. Həmçinin fənn müəllimi S. Nuriyeva COP 29 nədir? mövzusunda şagirdlərə ətraflı məlumat verib.

    Məktəbin psixoloqları Aytən Məmmədova və Zülfiyyə Məsimova məktəbdə şagird təhlükəsizliyi və şagird davranış qaydalarının tətbiqinə nəzarət etmək məqsədilə dərsə gecikən şagirdlərlə fərdi profilaktik söhbət aparıblar. Şagirdlərin gecikmə səbəbləri öyrənilib, gecikmə hallarının aradan qaldırılması istiqamətində müvafiq tövsiyələr verilib.

      Həssaslıq göstəricilərinin müəyyən edilməsi məqsədilə məktəbin psixoloqları tərəfindən sinif rəhbərləri ilə şifahi və yazılı anket sorğuların keçirilməsinə başlanılıb. Bundan əlavə sinif rəhbərləri mütəmadi olaraq sinifin ümumi psixoloji vəziyyəti ilə maraqlanır, yaranmış mövcud problemlər barədə psixoloqları mütəmadi məlumatlandırır, təhsilalanların şəxsiyyətlərarası münasibətlərinin tənzimlənməsində, müəllim-şagird, şagird-şagird, şagird-valideyn münasibətlərində yaranmış problemlərin aradan qaldırılması və məktəbdə sağlam psixoloji mühitin formalaşmasında öz təşəbbüslərini göstərirlər.

Məktəbin psixoloqu Aytən Məmmədova məktəbəhazırlıq qrupunu şagirdlərinin məktəb həyatına adaptasiyasına dəstək olmaq məqsədilə şagirdlərlə görüşüb, onlarla tanış olub, söhbət aparıb, məşğələlər təşkil edib.

   Məktəbin tədbirlər planına uyğun olaraq məktəb rəhbərliyi mütəmadi olaraq dərs dinləmələrdə iştirak edir. 

   Məktəbin tarix müəllimi Bilurə Əliyevanın nümunəvi dərsində iştirak ediblər. Müəllim maraqlı motivasiya qurmaqla şagirdləri tədqiqatçılığa cəlb edib. 

 B. Əliyeva dərsdə BİBÖ, beyin həmləsi, müzakirə üsullarından istifadə etməklə şagirdlərin idraki fəallığının, müstəqillik səviyyəsinin, təhliletmə, ümumiləşdirmə, tətbiqetmə kimi vərdiş və bacarıqlarının inkişaf etməsinə nail olub. 

  Dərsin maraqlı və geniş müzakirəsi keçirilib. Müvafiq tövsiyyələr verilib.