"AHILLAR GÜNÜ"
Beynəlxalq Ahıllar Günü 1993 cü ildən başlayaraq Azərbaycanda da hər il yüksək səviyyədə qeyd edilir. 1 oktyabr-Beynəlxalq Ahıllar Günü münasibətilə məktəbin direktor müavini V.F.Rəcəbova şagirdlərlə birlikdə qəsəbə ərazisində yerləşən aztəminatlı ahılları ziyarət etmiş və onlara bayram sövqatı təqdim etmişdir. Evləri ziyarət olunmuş ahıllar onlarla təşkil edilən bu görüşün əhəmiyyətindən danışmış və belə bir gündə ziyarət etdikləri üçün sevincli olduqlarını diqqətə çatdırıblar. Ahıl şəxslər şagirdlərə işlədikləri illərlə bağlı öz xatirələrini bölüşmüş, vətənə, xalqa xidmət etməyin ən şərəfli peşə olduğunu bildirmişlər.
