Aprel döyüşləri şanlı qələbəmizdir
Aprelin 3-də məktəbin 4-cü sinfində Aprel döyüşlərinin 3-cü ildönümü ilə əlaqədar “Aprel döyüşləri şanlı qələbəmizdir” adlı tədbir keçirildi. Tədbiri məktəbin direktoru X.Ə Bağırova açaraq Azərbaycan Ordusunun Silahlı Qüvvələrin Ali Baş Komandanı İlham Əliyevin rəhbərliyi altında aprel döyüşlərində düşmənin layiqlı dərsini verərək xalqımıza qələbə sevinci yaşatdığını qeyd etdi. X.Ə. Bağırova şagirdləri xalqımıza başucalığı gətirən şəhidlərimizi heç vaxt unutmamağa, vətənpərvər olmağa səslədi.
Tədbiri təşkil edən ibtidai sinif müəllimi N.N.Əliyeva şagirdlərlə birgə aprel döyüşlərinə həsr olunmuş məlumatlar, videoçarxlar nümayiş etdirdilər.
Elə həmin gün məktəbin rəhbərliyi və ibtidai sinif şagirdləri Aprel döyüşlərində qəhrəmancasına şəhidlik zirvəsinə ucalan Binəqədi qəsəbə sakini Emin Bağırovun qəbrini ziyarət etdilər.
