“20 Yanvar Qan Yaddaşımızdır”
Yanvarın 21-də 20 Yanvar faciəsinin iyirmi doqquzuncu ildönümünə həsr olunmuş “20 Yanvar Qan Yaddaşımızdır” adlı tədbir keçirilib.
İlk olaraq tədbiri hazırlayan məktəbin tarix müəllimi Əliyeva Billurə “20 Yanvar” hadisələri zamanı Bakıda Sovet ordusu tərəfindən dinc əhaliyə qarşı kütəvi qırğınlar törədilməsi ilə bağlı məlumatlar verib və Azərbaycan xalqının müstəqillik yolunda atdığı ən böyük tarixi hadisə olduğunu vurğulayıb.
Şagirdlər Azərbaycanın müstəqilliyi uğrunda öz canından keçmiş qəhrəmanlarımız haqqında şeirlər söyləyib, kompozisiyalar göstərib, faciəni əks etdirən
videoçarxlar nümayiş etdiriblər.
Sonda məktəbin direktoru X. Ə. Bağırova öz növbəsində bu günün tarixi əhəmiyyətindən bəhs edib, şagirdlərə ətraflı məlumat vererək onları vətənpərvər olmağa çağırıb.
