Lütfi Zadə adına Məktəblilərarası III Məntiq Olimpiadası qaliblərinin mükafatlandırma mərasimi keçirildi
Dekabrın 28-də 20 nömrəli məktəb-liseydə Bakı Şəhəri üzrə Təhsil İdarəsinin təşkilatçılığı ilə Lütfi Zadə adına Məktəblilərarası III Məntiq Olimpiadası qaliblərinin mükafatlandırma mərasimi keçirildi tədbir Dövlət himninin səsləndirilməsi ilə başladı. Sonra olimpiadanın gedişi və qaliblərdən bəhs edən videoçarx nümayiş olunaraq, olimpiada haqqında qısa hesabat nəzərə çatdırıldı.
Tədbirdə çıxış edən BŞTİ-nin müdiri Rəşad Tağıyev bilik yarışının qaliblərini təbrik edib, olimpiadanın istedadlı məktəblilərin formalaşdırılmasındakı müstəsna rolundan danışdı. R.Tağıyev son illərdə təhsil sahəsində şagirdlərin bilik və bacarıqlarının inkişafı istiqamətində böyük işlər görüldüyünü bir daha diqqətə çatdırdıraraq bildirdi ki, məntiqi təfəkkürü daha yaxşı inkişaf etmiş şagirdləri aşkara çıxarmaq, onları həvəsləndirmək, məktəblilər arasında məntiqə olan marağı artırmaq istiqamətində müvafiq addımlar atılıb.
Məktəbin VII sinif şagirdi Ağayev Rəvan Asəf oğlu 3-cü yerə layiq görüldüyü üçün diplom, medal və hədiyyə ilə təltif olundu.
