Məktəbimizin idman uğurları
7-9 dekabr 2018-ci il tarixdə Ukraynanın Xarkov şəhərində keçirilən WCFF-wmmaf üzrə Dünya çempionatında məktəbimizin 11-b sinif şagirdi Hüseynov Ruslan Ruxi oğlu da iştirak etmişdir. R. Hüseynov bu yarışda “Kick boxing” döyüşü üzrə 16-18 yaş 65 kq çəki dərəcəsində Ukrayna idmançısına qalib gələrək finala yüksəlmişdir. Finalda isə polşalı rəqibinə tam üstünlüklə qalib gələrək 4-cü dəfə Dünya çempionu adını qazanmışdır. Eyni zamanda 13 dekabr 2018-ci il tarixində R. Hüseynovun atası və şəxsi məşqçisi Hüseynov Ruxi Malik oğlu Cənab Prezident İlham Əliyev tərəfindən qəbul edilərək evlə mükafatlandırılmışdır. Bu qələbə münasibətilə məktəbimizin müəllim və şagird kollektivi Ruslan Hüseynovu təbrik edir və yeni-yeni uğurlar, qələbələr arzulayır.
