“Binəqədi evimizdir – evimizi təmiz saxlayaq”
Binəqədi rayon İcra Hakimiyyətinin, Binəqədi qəsəbəsi inzibati ərazi dairəsi üzrə nümayəndəliyi və Binəqədi qəsəbə Bələdiyyəsinin təşkilatçılığı ilə Ulu öndər Heydər Əliyevin 95 illik yubileyi münasibətilə qəsəbə ərazisində “Binəqədi evimizdir - evimizi təmiz saxlayaq” şüarı altında iməcilik aksiyası həyata keçirilmişdir. Aksiyanın məqsədi ətraf mühitin yaxşılaşdırılmasına hər zaman böyük önəm vermiş ulu öndər Heydər Əliyev irsini davam etdirmək, təbiətə olan qayğı hissini təbliğ etməkdən ibarət olmuşdur. Belə ki, iməcilik aksiyasında məktəbimizin 10-cu sinif şagirdləri təmizlik işlərində fəal iştirak etmişlər.
İməcilik zamanı ərazidə təmizlik işləri görülmüş, oturacaqlar, yol kənarlarındakı taxta hasarlar rənglənmiş, ağaclara su verilmiş, plakatlar yuyularaq səliqəyə salınmışdır.
