“Novruz gəlir , yaz gəlir” adlı tədbir keçirildi
17.03.2018-ci il tarixində məktəbimizdə “Novruz gəlir, yaz gəlir” adlı tədbir keçirildi. Tədbiri məktəbin direktoru Bayaz Novruzova açıq elan edərək iştirakçıları novruz bayramı münasibətilə təbrik etdi.
Azərbaycanın ən qədim şənliklərindən , mərasimlərindən olan Novruz bayraminda xüsusi adət-ənənələr yerinə yetirilir. Şagirdlər bu adət -ənənələrdən nümunələr göstərdilər. “Kosa və keçəl”in gəlişi şənliyə bir qədər də sevinc qatdı. Papaq atmaq, qulaq falına çıxmaq kimi səhnəciklər nümayiş etdirdilər.Milli rəqslərimizlə,saz ifaları ilə və milli musiqi alətləri ilə şagirdlər öz bacarıqlarını göstərdilər. Həmçinin əl işlərindən ibarət xoncalalar şənliyə gətirildi.
