Şəhid Rövşən İmanovun ailəsi ilə görüş
06.05.2017-ci tarixdə faşizm üzərində qələbənin 72 illiyi ilə əlaqədar olaraq məktəbin direktoru B.Novruzova, müəllim və şagirdlərimiz məktəbimizin adını daşıyan R.İmanovun ailəsini ziyarət etmişlər. Görüşdə Rövşən İmanovun anası Səkinə İmanova şəhidin şərəfli həyat yolu haqqında şagirdlərimizə məlumat vermişdir. Şəhidin anası Səkinə xanım qeyd etmişdiki Rövşən hələ uşaqlıq illərindən vətəni qorumaq ,layiqli övlad olmaq amalı ilə yaşayırdı. Bildiyimiz kimi Rövşən Kərkicahan ,Şuşa ,Goranboy və digər yaşayış məntəqələri ətrafında baş verən qanlı döyüşlərdə fəallıq göstərmişdi.Verilən tapşırıqları layiqincə yerinə yetirən Rövşənin son mübarizəsi Ağdərədə şəhidliklə nəticələndi. Böyük itkilərlə əldə etdiyimiz müstəqilliyi qoruyub saxlamaq üçün vətəni sonsuz məhəbbətlə sevən gənclərin yetişməsi və güclü ordunun olması başlıca şərtdir.
