"Ceyhun Hacıbəylinin 125 illik yubileyi ilə əlaqədar" tədbirlər keçirilib
"Ceyhun Hacıbəylinin 125 illik yubileyi ilə əlaqədar" məktəbimizdə maraqlı tədbirlər keçirilmişdir. Belə ki, "Ceyhun Hacıbəylinin 125 illik yubileyinin keçirilməsi haqqında" 205 N-li tam orta məktəbin "Tədbirlər Planı" hazırlanaraq məktəb rəhbərliyinin 29.09.2016-cı il tarixli əmri ilə təsdiq edilmişdir. Tədbirlər Planına uyğun olaraq məktəbin Ana dili-ədəbiyyat müəllimi Aslanova Tacirə Allahyar qızının XIa sinfində 05.10.2016-cı il tarixdə "Ceyhun Hacıbəylinin Azərbaycan muhacirət ədəbiyyatında rolu" mövzusunda açıq dərsi keçirilmişdir. "Ceyhun Hacıbəyli və Azərbaycan mətbuatı" mövzusunda VIII-XI sinif şagirdləri ilə 05.11.2016-cı il tarixdə "Dəyirmi masa" keçirilmişdir. Ceyhun Hacıbəylinin publisistik və nasirlik fəaliyyətinə həsr edilən guşə yaradılmış və divar qəzetləri buraxılmışdır. Keçirilən tədbirlər zamanı məktəbin şagirdləri Ceyhun Hacıbəylinin yaradıcılığı ilə ətraflı tanış edildilər.
