"QARABAĞ AZƏRBAYCANDIR"
Azərbaycan xalqının tarixi qələbəsinin tədrisdə əks etdirilməsi haqqında Təhsil Nazirliyinin 16.11.2020 ci il tarixli, F-512 nömrəli fəaliyyət planına uyğun olaraq Microsoft Teams proqramı üzərində "Qarabağ Azərbaycandır" başlığı altında onlayn tədbir keçirildi. 25 dekabr 2020- ci il tarixdə keçirilən tədbirdə ilk öncə Vətənimizin azadlığı uğrunda canından qanından keçən şəhidlərimiz bir dəqiqəlik sükutla yad edildi.
Tədbirin təşkilatçısı məktəbin coğrafiya müəllimi S.Ə.Məhərrəmova işğaldan azad olunmuş torpaqlarımızın coğrafi mövqeyi, relyefi və geoloji quruluşu, xalqımızın illərlə erməni tərəfindən mənimsənilən təbii ehtiyatlarının talan edilməsi ilə bağlı sənayemizin, kənd təsərrüfatımızın zəifləməsi haqqında ətraflı məlumat verdi. Bundan başqa şagirdlərimiz öz çıxışları ətrafında videotəqdimatlar nümayiş etdirdilər.
