Şagirdlərin rəsm sərgisi keçirilib
A.Hüseynzadə adına 20 nömrəli tam orta məktəb-liseyin şagirdlərinin uğurları davam edir. Belə ki, martın 4-də məktəb-liseydə 4 "F" sinif şagirdləri Sami Məhsa və Babayeva Minənin çəkmiş olduğu rəsmlərdən ibarət sərgi nümayiş etdirilmişdir. Sərginin əsas qonaqları Tofiq Ismayilov adına Uşaq yaradıcılıq Mərkəzi, Ekoloji plakat studiyası, Pedaqoq Çurilova Qalina Nikolayevna və Əməkdar incəsənət xadimi, rəssamlıq akademiyasının müəllimi Həsənağa Daşdəmir olmuşdur. Sərgidə məktəb-liseyin rəhbərliyi, şagird və müəllim kollektivi iştirak etmişlər.
