- Esmira Ağayeva Azər
- Vəzifə: Direktor
- Fənn: İbtidai təhsil
- Bitirdiyi təhsil müəssisəsi: Ç. İldırım adına Az.Pİ, Azərbaycan Müəllimlər İnstitutu
- Təvəllüd: 23.04.1965
- İlk fəaliyyət ili: 18.11.2016
- E-mail: [email protected]
E.Ağayeva 1989-cu ildə Ç. İldırım adına Az.Pİ-nu bitirmiş, daha sonra Azərbaycan Müəllimlər İnstitutunda “ İbtidai sinif müəllimi” ixtisası üzrə ikinci təhsil almışdır. 1996-cı ildən İ.Əfəndiyev adına Elitar gimnaziyada ibtidai sinif müəllimi, 2000-2016-cı illərdə təlim-tərbiyyə işləri üzrə direktor müavini vəzifəsində çalışmışdır.
Azərbaycan Respublikası Təhsil Nazirliyi və “Qafqaz” Universitetinin birgə təşkil etdiyi “Bu günün və sabahın direktorları” kursu təlimlərini uğurla bitirdikdən sonra 2016-cı ildə Nizami rayonu V.Sadiqov adına 214 nömrəli məktəbə, 2020-ci ildə Yasamal rayonu A.Hüseynzadə adına 20 nömrəli məktəb-liseyə direktor vəzifəsinə təyin olunmuşdur.
3-cü qrant layihəsinin və ”İlin müəllimi” müsabiqəsinin qalibi, Azərbaycan Respublikası Təhsil İnstitutu dissertantı “Azərbaycan məktəbi” jurnalının redaktoru olmaqla bərabər həmin jurnalda “ Azərbaycan müəllimi” qəzetində, eyni zamanda beynəlxalq jurnallarda elm və publistik məqalələri dərc olunmuşdur.
Fən Kurrikulumlarının təqdbiqi üzrə (2013) təlimçi, 2012-ci ildə “Həyat bilgisi” fənn kurrikulumunun tətbiqi ilə əlaqədar “Öyrədənlərin öyrədəni” kursunu müvəffəqiyətlə bitirərək “təlimçi” statusu almışdır. Təhsilin inkişafındakı xidmətlərinə, gənc nəslin təlim-tərbiyəsi sahəsində yüksək nailiyyətləri əldə etdiyinə görə Azərbaycan Respublikası Təhsil nazirliyi tərəfindən “Azərbaycan Respublikasının qabaqcıl təhsil işçisi” döş nişanı ilə, Azərbaycan Respublikası Prezidentinin 2019-cu il 3 oktyabr tarixli 1459 nömrəli Sərəncamı ilə Azərbaycan təhsilinin inkişafında xidmətlərinə görə “Əməkdar müəllim” fəxri adına layiq görülmüşdür.
2007-ci ildən YAP-nın üzvü 2016-2022-ci illərdə işlədiyi müəssisə üzrə Yeni Azərbaycan Partiyasının sədri kimi fəaliyyət göstərmişdir. Ailəlidir 3 övladı var.
