18 oktyabr-Azərbaycan Dövlət Müstəqillik Günü ilə əlaqədar məktəblilər Təlim və Tədris mərkəzinə ekskursiya etmişlər
A.Hüseynzadə adına 20 nomrəli tam orta məktəb-liseyin direktoru Səadət Veysovanın tapşırığına əsasən məktəblilərin asudə vaxtının səmərəli təşkili və şagirdlərdə vətənpərvərlik ruhunun yüksəldilməsi məqsədi ilə 7L1 sinfinin rəhbəri Samirə Abbasova şagird və valideynlərin iştirakı ilə Silahlı Qüvvələrin Təlim və Tədris Mərkəzində olublar. Məktəblilər burada yaradılmış şərait, şəxsi heyətin xidməti və ərazi ilə tanış olub, komandanlıqla görüşüblər. Onlara Mərkəzin tarixi haqqında məlumat verilib.
Məktəblilər silahlar, zirehli texnikalarla, həmçinin ordu həyatı ilə yaxından tanış olublar, radiotexniki qoşunlar, zenit-artilleriya və zenit-raket kompleksləri haqqında geniş məlumatlandırılıblar.
Tank və piyadaların döyüş maşını məşq qurğuları salonu məktəbliləri daha çox cəlb edib. Onlar müasir qurğular vasitəsilə zirehli texnikanı idarə etməyi yaxından izləyiblər. Şagirdlərə qurğu və avadanlıqlar barədə məlumat verilib, onlar növbə ilə tankın "sükanı" arxasında oturaraq zirehli texnikanı "idarə ediblər". Sonra şagirdlər lazer trenajorlarında hazırlıq və tankəleyhinə idarəetmə qurğuları ilə praktiki çalışmaları yerinə yetirib. Atəş şəhərciyində Mərkəzin təlimatçıları tərəfindən zirehli texnikanın məşq qurğularında çalışmaların yerinə yetirilməsi şagirdlərə nümayiş etdirilib.
Nahar fasiləsi zamanı isə şagirdlər Təlim və Tədris Mərkəzinin yeməkxanası ilə tanış olub, hərbi qulluqçularla birgə nahar ediblər.
Sonra məktəblilərə Ümummilli Lider Heydər Əliyevin davamçısı, Prezident, Ali Baş Komandan İlham Əliyevin Azərbaycanda ordu quruculuğu sahəsində əvəzsiz xidmətlərindən, onun Silahlı Qüvvələrimizə qayğı və dəstəyindən, eləcə də müasir Azərbaycan Ordusunun aprel döyüşlərində göstərdikləri yüksək döyüş qabiliyyəti və qəhrəmanlıqlarından bəhs edən film nümayiş etdirildi.
Sonda məktəbliləri maraqlandıran suallar cavablandırılıb və xatirə şəkli çəkdirilmişdir.