Yurdumuza bahar gəlir
Xalqımızın əziz bayramlarından olan Novruz Bayramı A.Hüseynzadə adına
20 №li tam orta məktəb-liseydə geniş şəkildə qeyd olunmaqdadır. Əlamətdar bayramın təntənəli və yaddaqalan olması məqsədilə məktəbdə silsilə tədbirlər hazırlanmış və icrası müvəffəqiyyətlə həyata keçirilir.
Belə tədbirlərdən biri 15.03.2018-ci il tarixdə 6-cı sinif şagirdlərinin iştirakı ilə baş tutmuşdur. Tədbirin təşkilatçıları məktəbin valideyn komitəsinin üzvləri Rəsmiyyə Qədirova, Aynur Heydərova, Elşən Məmmədov şənlikdə Azərbaycan xalqının milli adət-ənənələrini əks etdirmiş, şagirdlərin ifasında ədəbi-musiqili proqram nümayiş olunmuşdur.
Tədbirdə iştirak edən məktəb-liseyin direktoru Səadət xanım Veysova şagirdləri, valideynləri bayram münasibəti ilə təbrik etmiş. onlara əmin-amanlıq, ruzi-bərəkət arzulamışdır.
