198 №-Lİ TAM ORTA MƏKTƏB

Məktəblilərimiz "Zəfər" məktəblilərarası I tarix olimpiadasında qalib oldu       Bakı Şəhəri üzrə Təhsil İdarəsi (BŞTİ) tərəfindən “Zəfər” məktəblilərarası I tarix olimpiadası keçirildi. Olimpiadanın keçirilməsinin əsas məqsədi şagirdlərdə vətənpərvərlik ruhunu yüksəltmək, gənc nəslin tariximizə dair biliklərini möhkəmləndirmək, Vətən müharibəsində qazanılmış Qələbə və qəhrəman Ordumuzun Zəfər Yolu barədə məktəbliləri məlumatlandırmaq, həmçinin istedadlı şagirdləri üzə çıxarmaqdan ibarətdir. "Zəfər" məktəblilərarası I tarix olimpiadasının ilk turunun qalibləri məktəbimizin X sinif şagirdləri Məmmədzadə Fatimə - 24, Dadaşova Fəridə - 23, Cəfərova Meyxoş - 20 bal toplayaraq final turunda iştirak hüququ qazanmışlar. Hər bir şagirdimizə final turunda uğurlar arzu edirik.

Şagirdlərimizin Bədii Gimnastikadakı uğurlarıE.Ağayev adına 198 nömrəli tam orta məktəbin 5-ci sinif şagirdi fəxrimiz, sevimli Rəşidova Nəzrin 25-27 noyabr tarixində keçirilən Bədii Gimnastika üzrə 1-ci Beynəlxalq “Ocaq Cup” yarışında fərdi çıxışlar üzrə 1-ci yerə layiq görülmüşdü və eyni yarışmada 6-cı sinif şagirdi Eyvazova Nərminə isə qrup hərəkətləri üzrə 2-ci yerə layiq görülmüşdü. Hər iki şagirdimizi təbrik edir, onlara uğular arzulayırıq.

"MÜƏLLİMLƏRİN İNTELLEKTUAL KUBOKU" OYUNUNDA MƏKTƏBİMİZ FİNAL MƏRHƏLƏSİNƏ VƏSİQƏ QAZANDI    Azərbaycan Gənc Müəllimlər Assosiasiyasının təşkilatçılığı, Tutorlab (TutorLab.az) və Consensus İntellekt Mərkəzinin tərəfdaşlığı ilə 15 oktyabr 2022-ci il tarixində 225 nömrəli tam orta məktəbdə "Müəllimlərin İntellektual Kuboku" oyunlarının növbəti mərhələsi "Nə? Harada? Nə zaman? turnirində 9 komanda yarışdı.      Yarışda 198 nömrəli tam orta məktəbi gənc müəllimlərdən ibarət "Apollon" komandası layiqincə təmsil etmiş və digər komandalardan fəallığı ilə fərqlənərək yarışın növbəti final mərhələsinə vəsiqə qazanmışdır.      İntellektual oyunda iştirak edən müəllimlərimizi təbrik edirik, uğurlarının davamlı olmasını arzulayırıq.