Bilik Günü
15 sentyabr 2018 /2019 – tədris ilinin başlanması ilə əlaqədar Qaradağ rayonu Elman Heydərov adına 197 saylı tam orta məktəbdə “Bilik günü”nə həsr olunmuş tədbir keçirildi. Tədbirdə qəsəbə üzrə İcra hakimiyyətinin nümayəndəsi Məmmədov Zaur və Bələdiyyə sədri Əbdülbağıyev Rövşən iştirak edirdilər.
Tədbir Azərbaycan Respublikasının Dövlət Himninin səsləndirilməsi ilə başladı.Sonra məktəbin tərbiyə işləri üzrə direktor müavini Salmanova İradə öz çıxışında müəllimləri və şagirdləri “Bilik günü “ münasibətilə təbrik etdi.
Məktəbin direktoru Elmira Namazova öz çıxışında məktəbin naliyyətləri haqqında məlumat verdi. Tələbə adını qazanan şagirdləri təbrik etdi və 1 – ci sinfə qədəm basan şagirdlərə uğurlar arzuladı.
Eyni zamanda Azərbaycan Respublikası Xalq Cümhuriyyətinin yaranmasının 100 illiyi ilə əlaqədar tədbirə Qarabağ müharibəsi veteranları da dəvət olunmuşdular.
Tədbirdə məzun adını qazanmış şagirdlərimiz də iştirak edirdilər.
Tədbirdə iştirak edən qonaqlar çıxış edərək məktəb kollektivinə öz təşəkkürlərini bildirdilər və hamıya yeni tədris ilində uğurlar arzuladılar .
Sonda “İlk zəng” sədaları altında məktəbin şagirdləri sinif otaqlarına daxil oldular.
