Narkomaniya bəşəriyyətin bəlası
15 dekabr 2017-ci ildə E.Heydərov adına 197 saylı tam orta məktəbdə “ Narkomaniya bəşəriyyətin ən qorxulu bəlasıdır” mövzusunda tədbir keçirildi.Tədbiri məktəbin tərbiyə işləri üzrə direktor müavini Salmanova İradə açıq elan etdi.Sonra o, “Narkotik vasitələrin insan həyatına vurduğu zərbə” mövzusunda məruzə edərək, narkomaniyanın bəşərin ən qorxulu bəlası olduğunu şagirdlərin diqqətinə çatdırdı. İradə müəllim bildirdi ki, bu bəlaya mübtəla olanlar əksər hallarda onu dəf etməkdə aciz qalırlar.Narkotikdən aslılıq narkotik maddələrdən bir və ya bir neçə dəfə istifadə etməklə yaranır .Tibbi təcrübələr göstərir ki , narkomaniya ilə mübarizə aparmaq çox çətindir . Bu bəladan xilas olmaq çox az insana nəsib olur. Narkotikə qurşanmış əksər insanlar bu bataqlıda məhv olub gedirlər.
Tədbirdə Qaradağ Rayon Gənclər və İdman İdarəsinin rəisi Elçin Abbasov və Qaradağ Rayon İcra Hakimiyyətinin Korgoz qəsəbəsi üzrə nümayəndəsi Zaur Məmmədov iştirak edirdilər. Onlar da öz çıxışlarında narkotik vasitələrin insan həyatına ağır zərbə vurmasından söz açdılar. Şagirdlərə ozlərini və ətraflarındakı insanları bu zərərli vərdişlərdən qorumağı tövsiyə etdilər.
Daha sonra 9a sinif şagirdi Əliyeva Əminə “ağ ölüm”ün qara fəsadları haqqında danışdı.
Sonda narkomaniya bəlasına düçar olmuş insanların düşdüyü acınacaqlı vəziyyəti əks etdirən videoçarx nümayiş olundu. Həmçinin , şagirdlərə maarifləndirici bukletlər də paylandı.
