Ana dilim - şirin dilim
21 fevral Beynəlxalq Ana Dili Günüdür. Analarımız bizə beşik başında həyatın ən həzin simfoniyası olan laylanı bu dildə demişdir. Bu, o dildir ki, Füzuli eşqi, Nəsimi dözümü, Vurğun şirinliyi, Üzeyir dünyası bu dildə ifadə olunmuş, zaman-zaman qanımıza, canımıza hopmuşdur. Fevral ayının 21- də məktəbimizdə Beynəlxalq Ana Dili Günü münasibətilə silsilə tədbirlər keçirilmişdir. Tədbirdə şagirdlər hazırladıqları referatları oxuyub, ana dili haqqında düşüncələrini bir-biri ilə bölüşdülər. Onlar öz çıxışlarında vurğulayıblar ki,-ömrümüzə məna verən, onu gözəllədirən əxlaq dərsliyimiz olan ana dilimiz ürəklərimizə hərarət gətirən, bizi öz keçmişimizə bağlayan, gələcəyə səsləyən mənəvi xəzinədir.