31 Dekabr Dünya Azərbaycanlılarının Həmrəylik Günü
31 Dekabr Dünya Azərbaycanlılarının Həmrəylik Günü kimi dünyanın 70 – dən çox ölkəsində yaşayan 50 milyondan artıq azərbaycanlı tərəfindən hər il bayram edilir. Bütün dövrlərdə dünyanın ayrı –ayrı ölkələrində məskunlaşmış soydaşlarımız üçün müstəqil Azərbaycan Respublikası milli iftixar, mənəvi dayaq və and yeri olmuşdur. Məhz 31 Dekabr günü qəlbində böyük və ülvi Azərbaycan sevgisi daşıyan dünya azərbaycanlıları Milli Həmrəylik Günü kimi bayram edir, bird aha vətənə və xalqa sevgilərini nümayiş etdirirlər.Dünya Azərbaycanlılarının Həmrəylik Günü və yeni il münasibətilə dakabr ayının 30 –da məktəbimizdə tədbir keçirildi . Tədbirdə şagirdlərin Vətən, həmrəylik və Yeni il ilə bağlı söylədikləri şeirlər, hazırladıqları səhnəciklər, ifa etdikləri milli rəqslər, mahnılar tədbir iştirakçıları tərəfindən maraqla qarşılandı.