Qızıl payızın sərgüzəştləri
29.11.2019-cu il tarixində məktəbimizin 3a sinfində “Qızıl payızın sərgüzəştləri” adlı bədii tədbir keçirildi. Payızın əsrarəngizliyini tərənnüm edən şagirdlər eləcə də payız fəslinə təsadüf edən bayram günlərini , bol vitaminli meyvələrini öz çıxışlarında səciyyələndirdilər. Sonra şagirdlər payız fəslini özündə əks etdirən “Payız qızına” gözəlliyini söyləyərək küskün “Payız qızını” ruhlandırdılar. Tədbirdə “Payız qızı” öz dostları ilə birlikdə hazırlanan xüsusi nömrələrlə, rəqslərlə, şeirlərlə tədbirə rəng qatdı. Qızıl payızı xatırladan geyimlər tədbirə xüsusi payız ahəngi verirdi.Tədbirin sonunda şagirdlərin ifasında səslənən payız mahnısı bütün məktəbi bürüyərək hər kəs tərəfindən maraqla qarşılandı və “Payız qızı” məktəbin bütün siniflərinə qonaq oldu. Beləcə məktəbimiz payızı hamılıqla yola saldı.
