Açıq qapı
16.11.2019-cu il tarixində məktəbimizdə "Açıq qapı" günü keçirildi. Əvvəlcə valideynlərlə müdiriyyət tərəfindən akt zalında görüş keçirildi. Valideynlər qarşısında çıxış edən məktəb direktoru onları məktəbdə bir daha görməyindən məmnun olduğunu , məktəbə göstərdikləri hörmət və dəstəyə görə təşəkkürünü bildirdi. Müxtəlif siniflərdə aparılan diqanostik qiymətləndirmənin nəticələri əsasında hesabat verən məktəb direktoru sonrakı kiçik summativ qiymətləndirmələr haqqında məlumat verdi. Sonra onları müdiriyyət tərəfindən qoyulan nizam-intizam qaydaları ilə bir daha tanış etdi. Müdiriyyətlə görüş mərhələsindən sonra valideynlər sinif iclaslarında iştirak etdilər. Sinif rəhbərləri valideynlərə hesabatlar verərək onları maraqlandıran sualları cavablandırdlar. Valideynlər "Açıq qapı" günündə təhsilalanlara göstərilən qayğı və onlar üçün yaradılan bütün şəraitlə yaxından tanış oldular. Sonra onlar müxtəlif fənn müəllimləri ilə görüşərək övladlarının kiçik summativ qiymətləndirmələrinin nəticələri və təhsildə göstərdikləri nailiyyətləri ilə yaxından tanış oldular . Sonda valideynlər məktəbdən xoş təəsuratla ayrıldılar
