“Keçmişin izləriylə” Dirçəliş Gününə həsr olunmuş tədbir
15.11.2019-cu il tarixində 8b sinfində “Keçmişin İzləriylə” 17 noyabr “Milli Dirçəliş Günü”nə həsr olunmuş dəyirmi masa keçirildi. Şagirdlər Azərbaycanın müstəqillik tarixi və Dirçəliş Gününə aid məlumat verdilər. Milli Dirçəliş Gününün Azərbaycan xalqının istiqlaliyyət uğrunda mübarizəsində əsas mərhələlərdən biri olduğunu vurğulayıb ulu öndər H.Əliyevin milli dövlətçiliyimizin dirçəlişi istiqamətində apardığı siyasətdən danışdılar. Onun məqsədyönlü siyasəti nəticəsində ölkədə əmin-amanlıq və ictimai-siyasi sabitliyə nail olmasından bəhs edən şagirdlər həmçinin Azərbaycan Respublikasının Prezidenti cənab İ.Əliyev rəhbərliyi ilə ölkədə gedən inkişaf prosesinin mahiyyətindən və ölkəmizin lider dövlətə çevrilməsi haqqında məlumatlar verdilər. Tədbirdə Milli Dirçəliş Gününə həsr olunmuş videoçarx da təqdim olundu. Sonda şagirdlər şeirlər söyləyib ədəbi bədii kompozisiya nümayiş etdirdilər.
