"Şahin"lərimiz qalib oldular
Hər il olduğu kimi, bu il də Yasamal rayon Gənclər və İdman İdarəsinin təşkilatçılığı ilə “Şahin” idman oyununun rayon mərhələsi keçirildi. Gənclərin vətənpərvərlik tərbiyəsində müstəsna əhəmiyyəti olan “Şahin” idman oyununda bu il də məktəbimizin komandası iştirak edirdi. Yarışda 13 oğlan, 4 qız tərkibi ilə təmsil olunan komandamız sıra hazırlığı, avtomatın sökülməsi və yığılması, darağa patron doldurma və boşaltma, tüfəngdən hədəfə atəş açma, sanitarların yarışı və fiziki hazırlığı üzrə qüvvələrini sınayıblar. Oyunların keçirilməsində məqsəd böyüməkdə olan nəslin vətənpərvərlik tərbiyəsinə diqqət və qayğını daha da artırmaq, məktəb şagirdlərinin hərbi idman oyunlarına cəlb etməklə onların ordu sıralarında xidmətə hazırlanmasına kömək göstərməkdən ibarətdir. Gənclər və İdman, Təhsil və Müdafiə Nazirliklərinin nümayəndələrinin iştirak etdiyi tədbirdə çıxış edən “Şahin”lərimiz məktəbimizi layiqincə təmsil etdilər və II yerə layiq görüldülər. Biz də " Şahin"lərimizi ürəkdən təbrik edirik!!!
