Milli Aviasiya Akademiyası Muzeyində
25.10.2019-cu il tarixində məktəbimizin 10-cu sinif şagirdləri Milli Aviasiya Akademiyasının nəzdində fəaliyyət göstərən Azərbaycan Mülki Aviasiya Muzeyində oldular. Şagirdlərimiz orada Muzeyin fondunda olan Azərbaycanın mülki aviasiyasının dünəninin və bugününün öyrənilməsində zəruri olan əyani vəsaitlər, qəzet materialları, əlyazmaları, qərar və sərəncamlar kimi dövlət sənədlərinin surətləri, fotoşəkillər, filmlər, bədii ədəbiyyat, təsviri sənət nümunələri və s ilə tanış oldular. Muzey bələdçiləri Mülki Aviasiyanın yaranmasında və inkişafında xidmətləri olan təyyarəçilər- Teymur Mustafayev, İvan Bandzo, Arkadi Ramanov, Əbülfəz Quliyev, Nurəddin Əliyev, Yusif Quliyev, Viktor İsgəndərov, qadın təyyarəçilərimizdən Leyla Məmmədbəyova, Sona Nuriyeva və Züleyxa Seyidməmmədova və digərləri haqqında ətraflı məlumatlandırdılar. Şagirdlərimizin bu sənətin sirlərini öyrənmək məqsədi ilə gəldikləri bu muzey onlar üçün maraqlı və yaddaqalan oldu. Sonda şagirdlərimiz xatirə şəkli çəkdirdilər.
