Məktəbimizdə məktəbəhazırlıq qrupları fəaliyyətə başladı
01.10.2019-cu il tarixində Ümumi təhsil müəssisələrinin hər birində olduğu kimi bizim məktəbdə də məktəbəhazırlıq qrupları fəaliyyətə başladı. Bununla əlaqədar olaraq məktəbimizdə təntənəli tədbir keçirildi. Azərbaycan Respublikasının Dövlət himni səsləndirildikdən sonar , məktəbin direktoru Rəna Süleymanova tədbiri açıq elan etdi. . Tədbirdə BŞTİ-nin Ümumi təhsil sektorunun müdiri Samirə Bektaşi, İctimaiyyətlə əlaqələr sektorunun müdiri Bəşarət Məmmədov, müəllimlər, valideynlər, uşaqlar və media nümayəndələri iştirak etdilər. Daha sonra məktəbəhazırlıq qruplarında tədrisin təşkili baxımından qarşıda duran məsələlərdən bəhs olundu. Çıxış edənlər məktəbəhazırlıq qruplarının 5 yaşlı uşaqların məktəb təliminə hazırlığı ilə əlaqədar psixoloji dayanıqlığını artırmaq, əhatə olunduqları aləmə və təhsil mühitinə uyğunlaşdırmaq, onların ünsiyyət və birgə fəaliyyət bacarıqlarına yiyələnməsini təmin etmək məqsədilə yaradıldığını bildirdilər. Qeyd edək ki,məktəbimizdə 3-ü azərbaycan , 1-i rus bölməsi olmaqla 4 qrup fəaliyyətə başladı. Çıxışlardan sonra tədbir şagirdlərimizin ifasında rəngarəng konsert proqramı ilə davam etdirdildi.
