Bilik günü qeyd olundu
16 sentyabr 2019-cu il tarixində məktəbimizdə "Bilik günü" nə həsr olunmuş tədbir keçirildi. Tədbiri açıq elan edən məktəbin direktoru Rəna Süleymanova yeni dərs ilində şagird və müəllim kollektivinə arzularını bildirdi. Sonra günün əsas səbəbkarları olan birinciləri təbrik edib yeni məktəb həyatlarında nailiyyətlər dilədi. Tədbirdə qonaqlar da yer almışdı. Yasamal rayon İcra Hakimiyyətinin əməkdaşı Azad Niyazov da bizimlə birlikdə tədbirdə iştirak etdi və arzularını söylədi. Tədbir müxtəlif maraqlı çıxışlarla davam etdirildi. Onların rəqs və ifaları tədbirə xüsusi rəng qatdı. Birincilərin özlərinin hazırladığı rəqs nömrəsi də bütün iştirakçıları sevindirdi. Beynəlxalq Musiqi festivalının qalibi olmuş şagirdimiz Müzəffər onları musiqi nömrəsi ilə təbrik etdi. Tədbirin yekununda birincilər ilk zənglərini səsləndirərək sinif otaqlarına daxil oldular.
