Uşaqların Beynəlxalq Müdafiəsi gününə həsr olunmuş böyük bayram şənliyi keçirildi
İyunun 1-də Uşaqların Beynəlxalq Müdafiəsi günü məktəbimizdə böyük bayram şənliyi keçirildi. Məktəbimizin şagirdləri maraqlı kompozisiyalarla çıxış etdilər. Onlar dünya xalqlarının rəqslərini böyük həvəslə ifa etdilər. Eyni zamanda rəqslərini ifa etdikləri ölkələrin coğrafiyası,əhalisi, mədəniyyəti haqqında geniş məlumat verdilər. Daha sonra öz analarına həsr olunmuş mahnılar və rəqslər ifa etdilər. Azərbaycan, vətən haqqında gözəl şeirlər dedilər, hamıya sülh dolu səma arzuladılar. Şagirdlərin ruh yüksəkliyi ilə söylədiyi şeirlər, şən rəqslər, rəngarəng kostyumlar, siniflərin tərtibatı bütün tədbir iştirakçılarının əhval-ruhiyyəsini yüksəltdi, bayrama bayram qatdı. Sonda məktəbin direktoru Rəna Süleymanova, ibtidai siniflər üzrə direktor müavini Tahirə Məmmədbəyova və digər ibtidai sinif müəllimləri çıxış edərək uşaqları 1 iyun Uşaqların Beynəlxalq Müdafiəsi günü münasibəti ilə təbrik etdilər, hamıya sülh və əmin-amanlıq arzu etdilər. Tədbirin sonunda rəngbərəng şarlar göyə uçuruldu.
