Məktəb həyətində iməcilik keçirildi
Mayın 10-da məktəb həyətində Bakı Şəhəri üzrə Təhsil İdarəsinin 22.04.2019-cu il tarixli 2009-05/13 nömrəli məktubuna uyğun olaraq iməcilik keçirildi. Şagirdlər məktəbin həyətində təmizlik, abadlıq və yaşıllaşdırma işləri apardılar. Onlar həyətyanı sahəni təmizlədilər, ağacların dibini bellədilər, gövdələrini ağartdılar, yeni ağaclar əkdilər, əkdikləri ağacları suladılar. Uşaqlar torpaq sahəsini alaqlardan təmizlədilər, qızılgül kollarını budadılar. Bakı Şəhəri üzrə Təhsil İdarəsi tərəfindən keçirilən bu iməciliklər ətraf mühitin qorunması, ekoloji təmizliyə riayət olunması, şagirdlərdə əməyə və birgə əməkdaşlığa hörmət vərdişlərinin formalaşdırılmasına xidmət edir.
