“1 Mart- Ümumdünya Mülki Müdafiə Günü” qeyd olundu
Dünən məktəbimizdə “1 Mart- Ümumdünya Mülki Müdafiə Günü” qeyd olundu. Foyedə “Mülki Müdafiə Günü” ilə əlaqədar olaraq stendlər hazırlanmışdı. Məktəbin yüksək hazırlıq mərhələsində xəbərdarlıq rejimi yoxlanıldı. Məktəbin şagirdlərinin praktik olaraq fövqəladə hallar zamanı göstərdikləri çıxışlar çox maraqla qarşılandı . ”Kiçik xilasedicilər” məktəbin həyətində şərti xilasetmə əməliyyatları nümayiş etdirdilər. Fövqəladə hallar zamanı davranış qaydaları, “həyəcan siqnalı” ilə binanı tam tərk etmə əməliyyatı, yanğın təhlükəsizliyi, zərərçəkmiş insanlara ilkin tibbi yardımın göstərilməsi əməli olaraq tətbiq olundu. Tədbirin keçirilməsi fövqəladə hallar zamanı gənc nəslin hazırlığının vacibliyini ön plana çəkə bildi.
