İncimiz
İnci Quliyeva 2016-cı ildə məktəbimizin hazırlıq qrupuna daxil olub, sonra isə I sinfinə qəbul olunub. Hazırda 2ç sinfində təhsil alır. Gözəl nitqi, fikirlərini aydın ifadəetmə bacarığı, zəngin daxili aləmi onu yaşıdlarından fərqləndirir. İncinin çox maraqlı dünyası var. O, mütaliə etməyi, hekayə yazmağı, rəsm çəkməyi çox sevir. "Art life" rəsm kursunda rəsm texnikasını öyrənir. Müəllimləri onun böyük istedada malik olduğunu bildirirlər. İnci gözəl rəsmlər çəkməklə yanaşı, bədii gimnastikaya da böyük maraq göstərir. Onun idmanda da uğurları böyükdür. Dərslərinə həvəslə hazırlaşır. O, dəfələrlə bilik yarışlarında da uğur əldə etmiş və sertifikatlarla təltif olunmuşdur. Balaca İnciyə böyük işlərində uğurlar arzulayırıq!
