Gənc Tamaşaçılar Teatrında görüş
Aprelin 2-də ibtidai sinif şagirdlərimiz Gənc Tamaşaçılar Teatrının qonağı oldular. Onlar Firudin bəy Köçərli adına Respublika Uşaq Kitabxanası, Gənc Tamaşaçılar Teatrı və Yazıçılar İttifaqının birgə təşkil etdiyi tədbirdə iştirak etdilər. Tədbir dünyanın ən məşhur nağılçılarından biri olan H.X.Andersenin doğum günü ərəfəsində təşkil olunmuşdu. Teatrın foyesində Azərbaycan və dünya ədəbiyyatının ən gözəl nümunələrindən ibarət sərgi təşkil edilmişdi. Azərbaycanın zəngin mədəniyyətinin, sürətli inkişafının təbliğ edilməsi, eyni zamanda nəşriyyat və informasiya sahəsində xarici vətəndaşlarla əlaqələrin qurulması baxımından sərgi mühüm əhəmiyyət daşıyırdı. Azərbaycan ədəbiyyatının dünyada tanıdılması, eləcə də dünya ədəbiyyatının Azərbaycanda təbliği istiqamətində təşkil edilmiş bu sərgi müəllim, şagird və valideynlər tərəfindən müsbət hal kimi qarşılandı.
Şagirdlər sərgi ilə tanış oldular, yazıçılarla şəkil çəkdirdilər. Sonra H.X.Andersenin “Qar kraliçası” tamaşası nümayiş olundu. Tamaşa müəllim və şagirdlərin böyük marağına səbəb oldu.
