“Biz sülh istəyirik!”
Fevralın 25-də M.Müşfiq adına 18№ li tam orta məktəbdə Xocalı soyqırımının 24-cü ildönümünə həsr olunmuş silsilə tədbirlər keçirildi. Bu tədbirlər çərçivəsində məktəbin II-IV sinif şagirdləri tərəfindən hazırlanmış “Dünyamızı qoruyaq”adlı kompozisiya nümayiş etdirildi. Xocalı faciəsinə həsr olunmuş şeirlər şagirdlərin ifasında ürək yanğısı ilə səsləndi. Məktəbin rus bölməsinin IV sinif şagirdləri “Biz sülh istəyirik!” adlı maraqlı bir təqdimat nümayiş etdirdilər. Çıxışlarının sonunda şagirdlər bütün dünya uşaqlarını sülhə və ədalətə səs verməyə çağırdılar.Böyüməkdə olan nəslin Xocalı soyqırımı haqqında məlumatlandırılması istiqamətində keçirilən bu tədbirlər bəşəriyyətə qarşı humanist münasibətlərin formalaşmasına, belə faciələrin bir daha təkrar olunmamasına, bütün dünyada sülhün bərqərar olmasına xidmət edirdi.
